БААда бўлиб ўтган “Fujairah Open-2023” мусобақасида Ўзбекистон таэквондо терма жамоаси аъзолари 6та олтин, 2та кумуш ва 1та бронза жами 9та медалини қўлга киритганидан хабарингиз бор.
Бугун тонгда қаҳрамонларимиз юртимизга қайтиб келишди. Улар Тошкент халқаро аэропортида Ўзбекистон Таэквондо WT ассоциацияси, яқинлари ҳамда оммавий ахборот воситалари томонидан тантанали кутиб олинди.
Таъкидлаш лозимки, Ўзбекистон таэквондо терма жамоаси ўз тарихида илк бор битта мусобақада 6та олтин медалга эга чиқди.
Олтин – Мадинабону Маннопова
Олтин – Феруза Садикова
Олтин – Светлана Осипова
Олтин – Омонжон Отажонов
Олтин – Улуғбек Рашитов
Олтин – Никита Рафалович
Кумуш – Нажмиддин Қосимхўжаев
Кумуш – Озода Собиржонова
Бронза – Нияз Пўлатов
Ўзбекистон таэквондо WT ассоциацияси матбуот хизмати
