Кўпинча кундалик ҳаётда ота-оналар энг асосийси – боласини чуқурроқ билиш имконияти ҳақида унутган ҳолда барча ишларни бажаришга шошилишади. Болага бериладиган энг кўп савол – «қалайсан?» Бироқ, бундай савол ҳақиқий ҳолат, кайфият, фикр ва қарашни очиб бермайдиган бир жумлали жавоб билан якунланади.
Сизга болангизни туйғуларини очишга ёрдам берадиган безор қилмайдиган 10 та саволни таклиф этамиз ва болангиз учун энг яхши дўстга айланасиз.
1. Бугунги кунни нима учун яхши дейишимиз керак?
Бу савол болангизга ўтаётган куннинг ижобий томонларига эътибор беришни ўргатиш имконини беради. Бу ўз навбатида некбинлик ривожланишига олиб келади.
2. Ҳаётда ҳаммасидан кўпроқ нимани кутяпсан?
Шубҳасиз, ҳар бир болада у сабрсизлик билан кутаётган нимадир воқеа бўлади. Ушбу саволга жавоб бериб, бола ўз орзуларини рўёбга чиқаришга имкон берадиган энг муҳим фикрни сиз билан баҳам кўради.
3. Тасаввур қил, бугунги кунни қайта яшай оласан. Унда нимани ўзгартирган бўлардинг?
Агар у билан шу масалани муҳокама қилсангиз, болангиз таҳлил қилиш, хатоларни ҳисобга олиш, хулосалар чиқаришни билиб олади. Бундан ташқари, болангизнинг ҳаётида нималар бўлаётганидан хабардор бўласиз.
4. Тасаввур қилайлик, сенда исталган жойга кўчиб ўтишга қодир супер қобилият бор. Қаерга боришни афзал биласан?
Фарзандингизни фантазия қилишга ўргатинг, орзуларини айтиб берсин. Бу ҳақда ўз фикрларингиз билан ўртоқлашинг. Эҳтимол орзуларингиз ўхшашдир.
5. Ҳаётингдаги энг бахтли воқеа нима?
Эҳтимол, бу саволга жавоб сизни ажаблантириши мумкин. Одатда, болалар биз катталар учун оддий бўлган воқеаларни эслашади, масалан, табиатга биргаликда сайр ёки отасининг мақтовлари. Фарзандингиз учун муҳим ва бебаҳо бўлган хулосаларни тузинг.
6. Бўш кунингни қандай ўтказар эдинг?
Фарзандингиз билан бўш кунларни ўтказиш имкониятини муҳокама қилаётиб, болангиз учун ҳақиқатан ҳам муҳим ва қизиқарли вазифалар рўйхатини тузишингиз мумкин.
7. Дўстларингда қайси фазилатларни кўпроқ қадрлайсан?
Бу саволга жавоб ота-она учун боласига қандай қадриятларни сингдирганликларини билиб олиш имконини беради. Aгар боланинг жавоби сизни қониқтирмаса, бу масала бўйича мулойимлик билан ўз фикрингизни билдиришингиз мумкин, чунки фақат мулоқот билан боланинг қизиқишини ошириш ва сиз учун муҳим бўлган нарсаларга жалб қилишингиз мумкин.
8. Қайси ҳаракатлар сени ғурурлантиради?
Ушбу суҳбат давомида болада ўзини ўзи қадрлаш билан боғлиқ муаммолар мавжудлигини билиб олишингиз мумкин. Агар муаммо жой экани аён бўлса, болага қилган яхшиликларини эслатиб туриш керак.
9. Уй ҳайвонинг гапиришни ўрганган деб тасаввур қил. Ундан нимани сўрардинг?
Фарзандингизни фантазия қилишга унданг. Бундан ташқари, болангизга кичик дўстларига нисбатан ғамхўрликни шакллантиришингиз мумкин.
10. Тасаввур қил, бир кунлик ўқитувчисан. Синфдошларингга нимани ўргатган бўлар эдинг?
Бу савол болага дўстида мужассамлаштирмоқчи бўлган ўзининг амалга оширилмаган имкониятлари ҳақида гапиришга имкон беради.
Хулоса қилиб айтганда, яна такрорлаймиз – болангизни тингланг, у билан тез-тез гаплашинг, таҳлил қилишини сўранг, фантазияга ўргатинг ва тинглашга қодир бўлинг, шунда натижа узоқ кутилмайди. Болангиз учун энг яхши дўст бўласиз ва болангиз ривожланган эмпатия билан ажойиб инсон бўлиб улғаяди.
Манба: https://zen.yandex.ru/media/id/5cd69cdea682f400afb9e82e/10-neskuchnyh-voprosov-synu-vmesto-banalnogo-kak-dela-5eba53c62fffad2dc153cc3d
