Японияда таэквондо бўйича Чиба-2019 Гран-приси давом этмоқда.
Мусобақанинг иккинчи кунида ҳамюртимиз Нигора Турсунқулова жангларни ўтказди ва бронза медалига эга чиқди. Ушбу медаль билан бирга ҳамюртимиз Олимпиада рейтингида қимматли бўлган очколарга ҳам эга бўлди. Турсунқулова Гран-придаги иштирокидан олдин рейтингда 188.12 балл билан 16-ўринда бораётган эди.
Гран-прида учинчи ўринни олгани учун ҳамюртимизнинг ҳисобига 14.4 рейтинг балли қўшилади ва ўз-ўзидан рейтингда бир неча поғона тепага кўтарилади.
???Чиба-2019 гран-присида ким қанча рейтинг очко ишлаб олади:
1-ўрин – 40?
2-ўрин – 24?
3-ўрин – 14,4?
5-ўрин – 8,64?
9-ўрин – 6,05?
17-ўрин – 4,23?
Эслатиб ўтамиз, 13 сентябрь куни ўзбекистонлик Светлана Осипова бронза медалини қўлга киритганди, яна бир ҳамюртимиз Никита Рафалович эса 15 сентябрь куни мусобақада иштирок этади.
НИГОРА ТУРСУНҚУЛОВА
Туғилган санаси: 04.04.1999
Туғилган жойи: Жиззах шаҳри
Бўйи: 181 см
Оғирлиги: 67 кг
Эришган ютуқлари:
Осиё чемпионати-2016 – бронза медаль
Осиё чемпионати-2018 – олтин медаль
Осиё ўйинлари-2018 – бронза медаль
Ислом бирдамлик ўйинлари-2017 – бронза медаль
Чиба Гран-при-2019 – бронза медаль
