Японияда таэквондо бўйича Чиба-2019 Гран-приси давом этмоқда. Мусобақанинг олдинги икки кунида Светлана Осипова ва Нигора Турсунқулова бронза медаллари эга чиқишди.
Гран-прининг сўнгги учинчи кунида ўзбекистонлик Никита Рафалович юртимиз шарафини ҳимоя қилди.
Рафалович чорак финалда россиялик Антон Котков билан тўқнаш келди. Афсуски ушбу жангда Никита 6:10 ҳисобида ютқазиб қўйди ва ярим финалга чиқа олмади.
Бундан олдин ўзбекистонлик спортчи 1/16 финалда тайпеилик Лиу Вей Тингни (10:5), нимчорак финалда британиялик Дамон Сансумни (10:6) мағлуб этганди.
