Шифокор Ахбор Аъзамов:
Суяклар мустаҳкамлиги учун кальций ва Д витамини жуда зарур. Кальций суяк, тиш, соч ва тирноқ мустаҳкамлигини сақласа, Д витамини организмни кальций ўзлаштириш қобилиятини яхшилайди.
Сут маҳсулотлари – суяк зичлигини оширади. Бир стакан сут кунлик кальций эҳтиёжини 30 фоизини ташкил қилади. Пишлоқ ҳамда творог ҳам шулар жумласидандир.
Балиқ – оқсил ва омега-3 ёғ кислоталарига бой маҳсулотдир. Шу билан бирга суякларга мустаҳкамлик ҳам беради.
Тухум – кунлик Д витамини эҳтиёжини атиги 6 фоизини таъминлайди. Шунинг учун ҳам тухум остеопорознинг олдини олишда муҳим ҳисобланади.
Кўкатлар ҳам темир, витамин С ва магнийга бой маҳсулотлардан ҳисобланади.
Апельсин шарбатидаги аскорбин кислота кальцийнинг сўрилишига ёрдам беради. 500 мл янги сиқилган апельсин шарбати плазмадаги С витамини миқдорини 40-60 фоизга оширади.
