2016 йил 16-17 апрель кунлари Филиппинда Осиё қитъаси таэквондочилари учун Рио-де-Жанейродаги Олимпия ўйинларининг саралаш мусобақаси бўлиб ўтган эди.
16 апрель куни -80кг вазн тоифасида ўзбекистонлик Никита Рафалович ҳам иштирок этганди. Ҳамюртимиз чорак финалда ҳиндистонлик Навжит Маанга қарши даянга чиқиб 13:5 ҳисобида ғалабага эришган. Ярим финалда Никитага иорданиялик Анас Ал Адарби тўқнаш келган. Ушбу жанг ғолиби финалга чиқишдан ташқари Олимпиада йўлланмасига ҳам эга бўларди. Сабаби ҳар бир вазн тоифаси учун иккитадан йўлланма берилиши олдиндан маълум эди.
Иорданиялик таэквондочига қарши кечган кескин баҳсда Рафалович 5:4 ҳисобида ғалабага эришиб Рио Олимпиадаси йўлланмасига эга чиққан эди.
Ушбу қўлга киритилган йўлланмадан руҳланган Никита финалда тайпеилик Лиу Вей Тинг устидан ғалабага эришган (1:0) ва олтин медалга эга чиққанди.
🥋🇺🇿 Ўзбекистон таэквондо WT Ассоциацияси матбуот хизмати
