1979 йил туғилган грециялик таэквондочи Александрос Николаидис ҳақида олдин эшитганмисиз?
Ушбу таэквондочи 1996 йил Барселонда ўтган Жаҳон чемпионатида олтин, ўша йил Загребда ва 1997 йил Патра шаҳрида ташкил этилган Европа чемпионатларида олтин медаль қўлга киритган. Ажойиб натижаларку дейишингиз мумкин, бироқ…
Николаидис 2000 йил Сиднейда ўтган Олимпиадада иштирок этиб чорак финалда мағлубиятга учрайди.
2004 йил Александрос ўз ватанидаги олимпия ўйинларида финалга қадар етиб боради ва кореялик таэквондочига аламли тарзда мағлуб бўлади. Финалдан сўнг у кўз ёшларини яшира олмайди.
Ўз мухлислари қаршисида олтин медални қўлдан чиқарган Николаидис Пекиндаги Олимпиадага чемпион бўлиш ниятида боради. Рақибларини бирин-кетин мағлуб этган грециялик спортчи финалга чиқади. Ҳал қилувчи баҳсда бошқа бир кореялик таэквондочи рақиб бўлади ва яна аламли мағлубият!
Шундай қилиб, Александрос Николаидис кетма-кет иккита Олимпиадада финалга қадар етиб бориб, икки бор мағлуб бўлган ягона таэквондочи бўлиб тарихга киради.
2012 йил Лондонда ўтган Олимпиадада Николаидис Греция давлати байроқдори бўлади ва очилиш маросимида мамлакат байроғини кўтариб боради. Бироқ тўртинчи Олимпиада ҳам қаҳрамонимиз учун омадсиз тугайди, у биринчи босқичдаёқ ютқазиб қўяди.
LONDON, ENGLAND – JULY 27: Taekwondo athlete Alexandros Nikolaidis of Greece carries his national flag into the stadium during the Opening Ceremony of the London 2012 Olympic Games at the Olympic Stadium on July 27, 2012 in London, England. (Photo by Lars Baron/Getty Images)
