Бутунжаҳон енгил атлетика ассоциацияси (World Athletics) иккита жаҳон рекордини расман тасдиқлади. Уларнинг муаллифлари – Летесенбет Гидей (Эфиопия) ва Жошуа Чептегеи (Уганда).
Иккала рекорд ҳам октябрь ойида Валенсияда ўтган мусобақада ўрнатилди. Гидей беш километрлик масофани 14.06.61 сонияда босиб ўтди. У ватандоши Тирунеш Дибабанинг рекордини янгилади (14.11.15).
Чептегеи 10000 метр масофада 26.11.00 натижасини кўрсатди. Бу аввалги Кенениса Бекеленинг (26.17.53) рекордидан 6 сонияга яхшироқ.
