Халқаро ҳаваскор боксчилар ассоициацияси (AIBA) президентлиги учун кураш олиб борувчи номзодлар рўйхати маълум қилинди. Унга кўра қуйидагилар ташкилот раҳбарлиги учун ўз номзодини қўйган:
Рами Ал Масри – Германия (Германия ҳакамлар комиссияси раиси)
Анас Отаиба – БАА (Осиё бокс конфедерацияси президенти, АIBA вице-президенти)
Умар Кремлёв – Россия (Россия бокс федерацияси бош котиби, AIBA Ижроия қўмитаси аъзоси)
Сулейман Микайилов – Озарбайжон (AIBA Ижроия қўмитаси аъзоси)
Муҳаммад Мустазан – Марокаш ( AIBAнинг ҳозирги вақтинчалик президенти)
Доминго Солано – Доминикан Республикаси (Доминикан бокс федерацияси президенти)
Борис ван дер Ворст – Нидерландия (EUBC ижроқўм аъзоси, Нидерландия бокс федерацияси президенти)
Ҳозирда сайлов кaмпанияси ўз ишини бошлаган. Янги раҳбар 12-13 декабрь кунлари онлайн ташкил этиладиган AIBA Конгрессида сайланади.
