Ҳозирда аксарият дўконлар карантиндалиги ва ота-оналар кун бўйи болани кўнглини олишлари лозимлигини ҳисобга олиб, сиз учун деярли ҳар қандай уйда топиладиган буюмлардан тайёрласа бўладиган, мияни ривожлантирувчи ўйинлар бўйича ғоялар тайёрладик.
Таъсирчан Лотто
Ўйин учун сизга керак: намат, ёрма, жилвир қоғоз, сунъий мўйна, пюре қопқоқлари.
Қоғозга капалак ёки хонқизи чизилган. Уларнинг қанотларига болалар пюреси қопқоқчаларини ёпиштирамиз ва уларнинг ичига кигиз, сунъий мўйна, ёрма, жилвир қоғоз, тери бўлаги, ялтироқ рангли қоғозларни жойлаштирамиз.
Уйча деразаларини ўрнатинг
Сизга рангли картон керак бўлади.
Ушбу ўйин Петерсон усули асосида ихтиро қилинган. Картондан бир нечта уйни ва рангли қоғоздан турли шаклларни кесиб оламиз. Болага уйча деразаларини ўрнатишни таклиф қиламиз. Вазифани икки хил вариантда бажаришини айтамиз: болага фақат бир хил шаклни танлашига рухсат беринг (масалан, фақат учбурчаклар ёки фақат доиралар). Каттароқ болаларга вазифани бироз мураккаблаштирамиз ва шундай деймиз: «Катта уйда деразаларни шундай ўрнатингки, улар ранги ҳар хил, ҳажми бир хил, кичкина уйнинг эса шакли ва ранги бир хил бўлсин». Aгар бу жуда оддий иш деб ўйлаётган бўлсангиз, адашасиз. Баъзан катталар учун ҳам буни қилиш осон эмас.
Расм тўпланг
Навбатдаги ўйин учун сизга картон, елим ва ёрқин расм керак.
Ҳар қандай ялтироқ журнал ёки китобдан чиройли расм танлаб олинг ва уни қалин картонга ёпиштиринг. «Дераза»ларни тартибсиз кесиб олинг ва картоннинг яна бир қатламини ёпиштиринг. Кейин болага расмнинг биттасини таклиф қилинг.
Пакетчали чой қутисидан саноқ
Пакетчали чой қутиси, картон ва саноқ учун буюмлар олинг.
Катакли қутича ясаймиз, шунчаки миқдорга қараб саноқ буюмларини жойлаштирамиз. Сиз ҳам мисоллар келтиришингиз мумкин, масалан, 5 + 2 =?
Бола кўнглини осон очиш учун янги ўйинчоқ сотиб олишга пул сарфлашингиз шарт эмас.
