Жиззвх вилоятида таэквондо WT бўйича 1300га яқин спортчилар бор. Атлетларга тажрибали мураббийлар қатори эндигина фаолиятини бошлаган жами 35 нафар тренерлар ушбу спорт турини ўргатиб келишади.
Вилоятнинг туман ва шаҳарларида 45 та секцияда турли ёшдаги таэквондочилар ҳар кунлик машғулотларин ўтказиб келишади. Бугунги кундаги шароит туфайли уларнинг барчаси мураббийлари берган вазифаларини уйларида бажариб келишмоқда. Ўтган вақт давомида барча ёш тоифасидаги Республика чемпионати ва Кубокларда Жиззах вилоятидан 175 нафар спортчилар иштирок этиб уларнинг кўпчилиги турли пробали медалларга эга чиқишган.
Ўтган 2019 йил давомида мазкур вилоят спортчиларининг 15 нафари ҳар йили анъанавий тарзда ташкил этиладиган “Корея опен” Халқаро турнирида иштирок этиб улардан 10 нафари 5 та олтин, 2 та кумуш, 3та бронза медали соҳиби бўлган.
Ноябрда Россия пойтахти Москва шаҳри мезбонлик қилган Халқаро турнирда 12 нафар спортчи иштирок этиб улардан 9 нафари кучлилар қаторида эътироф этилди. 3та олтин, 2та кумуш, 4та бронза медалларни вилоят ҳисобига қўшиб қўйишди.
