Машҳур бразилиялик футболчи Роналдиньо шу йилнинг март ойида Парагвай қамоқхонасига тушиб қолганлиги сабабларини тушунтирди.
Маълумки, “Барселона” жамоасининг собиқ футболчиси Парагвай мамлакатининг полицияси у сохта ҳужжатлардан фойдаланаётганлигини гумон қилиши оқибатида қамоқхонага тушиб қолганди.
Маҳаллий суд футболчини 6 ойга озодликдан маҳрут этиш ҳақида қарор чиқарган эди. Шундан кейин бир неча кун ичида унинг учун 1,6 миллион доллар миқдорида гаров пули тўланди. Натижада Роналдиньо гаров эвазига озодликка чиқарилди.
“Биз ҳужжатларимиз сохталаштирилганлигидан хабар топганимизда бениҳоя ҳайратга тушдик. Шу кундан бошлаб ана шу вазиятга ойдинлик киритиш учун суд билан ҳамкорлик қилишга ҳаракат қилдик. Ўзимга ишончим қатъий ва мен ҳамиша ибодат қиламан. Мени қамоқхонага олиб кетишлари ҳақидаги хабар ўзимга кутилмаган оғир зарба бўлди. Мен ҳеч қачон шундай аҳволга тушиб қоламан деб ўйламагандим”, – деб изоҳ берди Роналдиньо Парагвайнинг нуфузли «ABC Color» газетасига берган интервьюсида.
olympic.uz
