Карантинга кетаётиб, биз мана энди ва ниҳоят вақт келди деб ўйлаган эдик! Инглиз тилини ўрганамиз, олти ой олдин дўстимиздан олган китобни ўқиб чиқамиз, қоматимизни тартибга соламиз деб ҳаёл қилган эдик. Натижада нима бўлди? Натижада, биз ҳар куни тушлик вақтига уйғонамиз, ўзимизни ҳаддан ташқари кучсиз ҳис қиламиз ва барча мумкин бўлган ишларни эртага ўтказамиз.
Бизни ҳар куни қамраб оладиган руҳиятсизлик кайфияти билан нима боғлиқ бўлиши мумкин, биз бугунги мақоламизда шу ҳақида гапириб берамиз.
Авваламбор, руҳиятсизлик кайфиятига тушиш хавфи кўпроқ одамлар тоифасини аниқлашдан бошлайлик. Булар, шубҳасиз, барчасини олдиндан тузилган режа бўйича бажаришга одатланган аълочи-перфекционистлардир. Аммо билганингиздек, карантин бизнинг режаларимиз ва ишларимизга ўз таъсирини ўтказди. Шунинг учун биринчи навбатда янги шароитларга мослашиш керак. Афсуски, «аълочилар»да бу ҳолат муаммо уйғотган бўлиши мумкин ва шу сабабли энди улар ўзларини бутунлай йўқолган деб ҳис қилмоқдалар. Бундай вазиятда нима қилиш керак? Ўзингизнинг «хоҳишларингиз» га мурожаат қилинг ва қалбингиздаги одамга эркинлик беринг. Агар сиз бир ёки икки кун давомида «фойдали» ҳеч нарса қилмасангиз ҳам, сиз ўйлаганингиздек, дунё тўхтаб қолмайди. Лекин сиз ўзингизни ҳотиржамлик ва куч қувватга тўлдирасиз.
Руҳиятсизлик кайфияти олиб келиши мумкин бўлган иккинчи фактор, бу катта умидлар билан қувватлантирилган ўз-ўзига нисбатан паст баҳо. Кутилган катта умидлар билан ғайратланган одамлар ҳамма ишни яхши бажарилишидан тортиб то уйдаги тозаликгача аъло бўлишини хоҳлашади. Аммо, билганингиздек, бунинг иложиси йўқ. Бизнинг вақтимиз, ҳатто уйда ҳам бизнинг куч қувватимиз каби чексиз эмас. Шунинг учун, агар сиз кун бўйи ишлашингиз керак бўлса, уйдаги тартибсизликлар учун ўзингизни айблашни бас қилинг. Охир оқибат, сиз ҳеч бўлмаганда муҳим иш билан шуғулланяпсиз.
Дўстлар, бу ҳолатни вақтинчалик эканлигини унутмаслик керак. Яқинда сиз яна куч ва қувват билан тўласиз. Ҳатто карантин тугагунига қадар. Асосийси, руҳиятсизлик кайфиятига тушиш сабабини аниқлаш ва унинг устида ишлашни бошлаш керак. Бизни ўқишда давом этинг, шунда сиз уни қандай қилиб яхшироқ ва самаралироқ енгиб ўтиш ҳақида аниқроқ билиб оласиз.
olympic.uz
