Баъзида кишилар ҳақлигини исботлаш учун рақиблари нуқтаи назарига эътибор бермай, шунчаки далиллар келтирадилар. Бошқа одамни ҳақлигингизга ишонтириш учун бошқа усулларни қўллашингиз мумкин. Масалан, француз файласуфи ва математиги Блез Паскал, аввал гаплашаётган одамингизнинг ҳақ эканлигини кўрсатишингиз ва фақат шундан кейингина ўз фикрингизни билдиришингиз керак, деб ҳисоблайди. Буни қилиш учун аввал бу одамнинг фикрларини тушуниб олинг ва шундан кейингина унинг ноҳақ эканлигини тушунтиринг.
Блез Паскаль «Фикрлар» китобида ишонтириш усулини муфассал баён этган ва у шундай ёзади:
«Aгар беҳуда баҳслашмоқчи ва суҳбатдошингизни ишонтирмоқчи экансиз, аввало, баҳс мавзусига қайси томондан ёндашаётганини тушуниб олинг. Чунки одатда айтаётган томонидан фикрини тўғри, деб билади, сўнгра унинг ҳақлигини тан олинг ва дарҳол бошқа томондан ёндошганда, нотўғри эканини англатинг. Суҳбатдошингиз бунга рози бўлади, чунки у ҳеч қандай хато қилмади, шунчаки сиз кўрган нарсани пайқамади».
Хатоларни дарҳол кўрсатсангиз, одамларга бу ёқмаслигини ёдда тутинг: баъзилар учун уларнинг феъл-атвори ва ақл-идроки танқид қилинаётганга ўхшайди. Шундан сўнг, умумий махражига эришиш эҳтимоли амалда нолга тенг бўлиб қолади. Aввало сиз (ҳатто хоҳламасангиз ҳам) кўнадиган томонингизга алоҳида урғу беришингиз ва кейин сизни мутлақо қаноатлантирмаган томонларни суҳбатдошингиз шунчаки ўтказиб юборгандек кўрсатишингиз муҳим. Олинган маълумотлар суҳбатдошингиз тафаккури учун озуқага айланиши ва у ўз ҳаракатларининг нотўғри эканини билиши аҳамиятли. Шу тарзда жанжаллардан қочишингиз мумкин.
Бирор киши ўзи ҳақида ўйлаган далиллар, одатда, у бошқаларнинг хаёлига келган нарсаларга қараганда анча ишонарли кўринади.
Б. Паскал
Техас Университетининг психология профессори Артур Маркмэн француз файласуфининг фикрларини амалда қандай тўғри қўллаш кераклигини тушунтирди:
“Суҳбатдошингиз фикрини ўзгартириши учун, аввало, унинг ҳимояланиш реакциясини ўчириб қўйишингиз керак. Aгар бирор кишига унинг хатоси ҳақида дарҳол айтиб қўйсангиз, у сиз билан ҳамкорлик қилишдан бош тортади. Биринчидан, унинг тўғри хулосаларига қўшилинг, уларнинг аҳамиятини тасдиқланг. Шунда у сиз билан ҳамкорлик қилишни хоҳлайди. Бу сизга муҳокама қилинаётган масала юзасидан хавотирингизни билдириш учун имконият яратади».
Шунинг учун, азиз ўқувчилар, Паскалнинг маслаҳатларига таянинг ва келажакда кўплаб кераксиз ҳақорат ва жанжалларнинг олдини олган бўласиз. Нимагадир кўнмасангиз ҳам, ҳар доим бир-бирингизни ҳурмат қилинг.
Манба: https://lifehacker.ru/sobesednik-neprav/
