Бугун Японияда таэквондо бўйича Чиба-2019 Гран-приси старт олди.
Мусобақанинг илк кунида ҳамюртимиз Светлана Осипова жангларни бошлади.
Осипова чоракфиналда 2012 йил Лондонда ўтган Олимпиада ўйинларида олтин медални қўлга киритган сербиялик Милица Мандичга қарши даянга чиқди. Бугунги кунда Олимпиада рейтингида 6-ўринда бораётган Мандичга қарши жанг жуда ҳам қизиқарли кечди. Сўнгги сонияларда ҳисоб 4:4 эди, баҳс тугашига 1 сония қолганида ҳамюртимиз бир очко қўлга киритиб ярим финал йўлланмасига эга чиқди!
Унинг ярим финалдаги рақибаси 2016 йилги Олимпиада чемпиони хитойлик Зенг Шуйин бўлади.
Маълумот учун, Осипова 1/16 финалда сербиялик Ана Тепавацни (4:0), 1/8 финалда мексикалик Брисеида Акостани (20:6) мағлуб этганди.
Эслатиб ўтамиз, Нигора Турсунқулова 14 сентябрь, Никита Рафалович 15 сентябрь куни мусобақада иштирок этишади.
