7-9 sentyabr kunlari Qozog’istonning Atirau shahrida taekvondo WTF bo’yicha Qozog’iston I Ochiq chempionati reyting musobaqasi bo’lib o’tdi.
Taekvondochilarimiz Qozog’istondagi reyting musobaqasida muvaffaqiyatli ishtirok etishdi
Bahslarda 15 mamlakatdan 376 nafar sportchi sovrinli o’rinlar uchun kurash olib borishdi. Terma jamoamiz azolari bellashuvlarda muvaffaqiyatli ishtirok etishdi va 4ta oltin, 2ta kumush va 1ta bronza medallarini qo’lga kiritishdi.
Hamyurtlarimiz orasida quyidagi sportchilar sovrindor bo’lishdi:
Oltin medal:
CHaros Qayumova
Madinabonu Mannopova
SHohrux Rajabov
Abror To’raev
Kumush medal:
SHuhrat Salaev
SHahboz Do’smatov
Bronza medal:
Temur Uralov
Ushbu musobaqa orqali sportchilarimiz Tokiodagi Olimpiya o’yinlariga reyting ochkolari yig’ishni boshlashdi. Ikki yil davomida shu kabi reyting musobaqalar yordamida taekvondochilarimiz qimmatli ochkolarni to’plab borishadi va yakunda eng yaxshi reyting ko’rsatkichlariga ega bo’lgan sportchilar 2020 yilgi Olimpiya o’yinlariga litsenziyani qo’lga kiritishadi.
Oldingi xabarToshkentda "Koreya elchisi kubogi" start olmoqda
Keyingi maqolaIslohotlar samarasi: O'zbek taekvondochilari Osiyo o'yinlari tarixidagi eng yaxshi natijani ko'rsatishdi
