Bugun poytaxtimizda O‘zbekiston taekvondo assotsiatsiyasiga qarashli “Universal” sport majmuasida taekvondo ITF yo‘nalishi murabbiylari uchun seminar tashkil qilindi. Unda Olimpiya oilasiga mansub WT yo‘nalishi murabbiylari ITF dagi hamkasblari uchun mahorat darslarini tashkil etib berishdi. Murabbiylar WT yo‘nalishidagi qoidalar, o‘zgarishlar va yangiliklardan boxabar bo‘lishdi.
Eslatib o‘tamiz, taekwondoning WT yo‘nalishi Olimpiya o‘yinlari dasturiga kiritilgan. Bugungi seminar O‘zbekistonda ITF yo‘nalishidagi taevkondochilarni Olimpiya yo‘nalishiga jalb qilish yo‘lidagi navbatdagi qadamlardan biri bo‘ldi.